2 आरोपी अटक, 39 लाखांचा मुद्देमाल जप्त
पुणे | दीपक शिंदे – पुणे शहरातील वाघोली परिसरात पोलिसांनी मोठी कारवाई करत एम.डी. (मेफेड्रोन) ड्रग्स प्रकरणाचा पर्दाफाश केला आहे. या कारवाईत दोन आरोपींना अटक करण्यात आली असून सुमारे ₹39,06,000/- किंमतीचा मुद्देमाल जप्त करण्यात आला आहे.
गुप्त माहितीच्या आधारे कारवाई
दि. 5 एप्रिल 2026 रोजी वाघोली पोलिस स्टेशनच्या पथकाला मिळालेल्या गुप्त माहितीच्या आधारे ही कारवाई करण्यात आली. वरिष्ठ पोलिस निरीक्षक नंदकुमार गायकवाड यांच्या मार्गदर्शनाखाली पोलिसांनी सापळा रचून संशयितांना ताब्यात घेतले.
पहिल्या आरोपीकडून ड्रग्स जप्त
अटक करण्यात आलेल्या पहिल्या आरोपीचे नाव योगेश सुभाष कणवरे (वय 38 वर्षे) असे असून त्याच्याकडून एम.डी. पावडर (मेफेड्रोन) तसेच चारचाकी वाहन असा मुद्देमाल जप्त करण्यात आला आहे.
दुसरा आरोपीही अटकेत
तपासादरम्यान मिळालेल्या माहितीनुसार दुसरा आरोपी सोनू सिंह उर्फ मनुवेंद्र उर्फ सोनू शंकर सिंह (वय 42 वर्षे) याला देखील अटक करण्यात आली. त्याच्याकडून एम.डी. पावडर, मोबाईल फोन आणि अन्य साहित्य जप्त करण्यात आले आहे.
एकूण 39 लाखांचा मुद्देमाल जप्त
दोन्ही आरोपींकडून मिळून एकूण ₹39,06,000/- किंमतीचा मुद्देमाल जप्त करण्यात आला आहे. यामध्ये एम.डी. ड्रग्स, दोन कार, मोबाईल आणि इतर साहित्याचा समावेश आहे.
अधिक तपास सुरू
या प्रकरणी गुन्हा दाखल करण्यात आला असून पुढील तपास पोलिस उपनिरीक्षक मनोज बागल यांच्या मार्गदर्शनाखाली सुरू आहे. या प्रकरणामागे आणखी मोठे रॅकेट असल्याची शक्यता पोलिसांनी व्यक्त केली आहे.
वरिष्ठ अधिकाऱ्यांचे मार्गदर्शन
सदरची कामगिरी अपर पोलीस आयक्त, पूर्व प्रादेशिक विभाग,पुणे शहर, मनोज पाटील, पोलीस उप आयुक्त परीमंडळ ७, पुणे शहर सोमय मुंडे, सहा.पोलीस आयुक्त, लोणीकंद विभाग पुणे शहर नुतन पवार यांचे मार्गदर्शनाखाली वरीष्ठ पोलीस निरीक्षक वाघोली श्री.नंदकुमार गायकवाड पोलीस स्टेशन, पोलीस निरीक्षक (गन्हे) पल्लवी मेहेर, सहा.पोलीस निरीक्षक, विनायक अहिरे, तपास पथक अधिकारी पोउपनि/ मनोज बागल, पोलीस उपनिरीक्षक राह़ल कोळपे खराडी पो.स्टे. पूणे शहर, पोलीस अंमलदार बाबासाहेब मोराळे, गहिनाथ बोयणे. अमोल ढोणे लोणीकंद पो.स्टे. यांनी व वाघोली पोलिस स्टेशनच्या पथकाने यशस्वीपणे पार पाडली.
📢 अधिक अपडेट्ससाठी आमच्या वेबसाईटला भेट द्या – Voice of Loksurajya
