१२ जुलैपर्यंत नियमित पाणीपुरवठा
pune water supply पुणेकरांसाठी दिलासादायक बातमी आहे. पुणे महानगरपालिकेने शहरात लागू असलेली एक दिवसाआड पाणीपुरवठ्याची पाणीकपात ७ जुलै २०२६ पासून १२ जुलै २०२६ पर्यंत तात्पुरती स्थगित करण्याचा निर्णय घेतला आहे. त्यामुळे या कालावधीत शहरात नियमित पाणीपुरवठा करण्यात येणार आहे. official website : https://www.pmc.gov.in/d/water
pune water supply पुणे शहराला पाणीपुरवठा करणाऱ्या धरण क्षेत्रात जून महिन्याच्या मध्यापर्यंत समाधानकारक पाऊस झाला नव्हता. त्यामुळे धरणांतील पाणीसाठा कमी झाल्याने १५ जून २०२६ पासून शहरात एक दिवसाआड पाणीपुरवठा करण्याचा निर्णय घेण्यात आला होता.
pune water supply मात्र, सध्या धरण परिसरात चांगला पाऊस सुरू असून पाणीसाठ्यात वाढ होत आहे. तसेच आषाढी पालखी सोहळ्यानिमित्त मोठ्या संख्येने वारकरी पुण्यात दाखल होत असल्याने नागरिकांना आणि वारकऱ्यांना पाणीटंचाईचा त्रास होऊ नये, यासाठी पुणे महापालिकेने हा महत्त्वाचा निर्णय घेतला आहे.
महापालिकेच्या आदेशानुसार ७ जुलै ते १२ जुलै २०२६ या कालावधीत शहरातील सर्व भागांमध्ये नियमित पाणीपुरवठा करण्याच्या सूचना पाणीपुरवठा विभागातील सर्व अधीक्षक अभियंते, कार्यकारी अभियंते, जलशुद्धीकरण केंद्र, पंपिंग केंद्र आणि वितरण विभागाला देण्यात आल्या आहेत.
pune water supply तसेच १२ जुलैपर्यंत धरण क्षेत्रात होणारा पाऊस आणि धरणांतील उपलब्ध पाणीसाठा याचा आढावा घेऊन पुढील पाणीकपातीबाबत निर्णय घेतला जाणार असल्याचे मुख्य अभियंता (पाणीपुरवठा) नंदकिशोर जगताप यांनी स्पष्ट केले आहे.
पुणे, Pune News, पाणीपुरवठा, पुणे पाणीकपात, PMC, पुणे महानगरपालिका, धरण पाणीसाठा, आषाढी वारी, वारकरी, Breaking News
#Pune #PuneNews #WaterSupply #PMCPune #WaterCut #BreakingNews #Monsoon2026 #AshadhiWari #VoiceOfLoksurajya
अधिक वाचा: